قال أيه ,, بينصحني !

قال أيه ,, بينصحني !

تنصحني، لا أنصح روحك
تداوينـي، لا داوي جروحك

أنت يلي .. !
أوعى تستهين
دا غضب الملاك
بألف تنَين

وزير !
دا الي هوا مين !
لا ريس ولا
مليون ملك
وأمير

من غير رحمة
من غير عقل
من غير شريعة
من غير قانون
من غير دين!

حتبقى الدنيا
والي فيها
طين في طين

دنا الفقير
وأبن الفقير
وأكثر كثير

أنام وأتغطى
أرض وسما
لا مش حرير
ولا خيش وحصير

أنام وأصحى
سعيد القلب
مسرور الروح
مرتاح الضمير

خد بالك مني
وأسأل عني
ورغم أني
طيب قوي
وقلبي أبيض
زي القشطه
الا أني
مليش كبير
غير ربنا
ونعمة الكبير

خالقك وخالقني
من حفنة تراب
على كوكب صغير
من كون واسع
ملهوش حدود
ملوش نهاية
في عيني وعينك
وعقلي وعقلك
يامحدود العقل
و التفكير

حكمت البيداري