ولو مرة للعراق

موضوع: ولو مرة للعراق الأحد ديسمبر 13, 2009 1:26 am

ولو مَرّة للعراق..

تَعّال
تَعّال أنشِل جُروح وطنّا
بِخيوط صَبرنا
وسَعَّف نَخَلنا
وموّاويل القَهّر

تَعّال
تَعّال نغسِل وجّه گُمرنا
مِن دُخّان صوّاريخ ومدّافع المُحتل
وقنّابُل وأنفِجاّرات جيران الحِقّد
بِدموع الأرّامِل واليتّامى
وحَصرة المِحتاج
وگرصَت الجوع
وخَنگت العَطّش
وظُلّم الفُقّر

تَعّال
تَعّال نِفتح آخر باب للحَقيقة
وشِد هِمتك وي هِمتّي
نسِد بيبان الوهَّم
بِكُل حيلنا نهّب
وجامات حِلِّمنا الفات
شِلنا بيها بَعّد
خَلها تتكسّر

تَعّال
تَعّال أگعِد وخَلنا نِعّد
چَم الله عِدنا ..
چَم روح بينا ..
چَم بَطّن للجّوعان
چَم راس وعَقّل
چَم قُندَّره ونعال نِلبس
وثوب وبَطلّون مَرگّع
لو ذَهّب والماس مرصّع
بچَم قَلّم نِكتِب
شنقَييد مِن الفَرّح
شنمسَح مِن الظّيم
العَتيگ ویآلجدّيد
وللعُمّر چَم ،،
گلي چَم دفتر

كافي مَذلّه
وك كافي نَعّض أصّابيع الجَهّل
الجُبّن والخوف
ليمتى يظّل بينا يگطّع وياكُل
وك تَعّال
تَعّال نِمّد ذِرعانا جِنحان
وصدورّنا شَراع
ونعبُر لِصوب الشَمّس
ونخلّي غيرتنا
ولو مَرّة ،
ولو مَرّة للعراق
تصّير ألنا جِسّر

بيدارو